आष्टी येथील राष्ट्रीय लोक अदालतीला उत्स्फूर्त प्रतिसाद ४४३ प्रकरणे तडजोडीने निकाली..!

या लोक अदालतीमध्ये प्रलंबीत दिवाणी, फौजदारी स्वरूपाची १ हजार ९ ५१ प्रकरणे तसेच १६८ ९ दाखलपुर्व प्रकरणे ठेवण्यात आली होती , त्यापैकी प्रलंबीत १४१ दिवाणी आणि ५४ फौजदारी तसेच २४८ दाखलपुर्व प्रकरणे असे एकुण ४४३ प्रकरणे निकाली निघाली . या लोक अदालतीमध्ये प्रलंबीत व दाखलपुर्व प्रकरणात ८९ लाख ९ ६ हजार २८८ रुपये वसुल झाले . या लोकअदालतीत तीन पॅनल करण्यात आले होते . पॅनल प्रमुख म्हणुन आष्टीचे दिवाणी न्यायाधीश क स्तर श्री . के . के . माने , बीडचे सह दिवाणी न्यायाधीश ( क स्तर . ) श्री . सी.पी. शेळके व आष्टीचे सह दिवाणी न्यायाधीश ( क स्तर . ) श्री . व्ही.एन. शिंपी यांनी काम पाहीले . राष्ट्रीय लोक अदालतीमध्ये प्रलबीत दिवाणी दावे , तडजोडपात्र फौजदारी प्रकरणे , घरगुती कौटुंबीक वाद , पोटगी प्रकरणे , बँक कर्जाचे दाखल पुर्व प्रकरणे तसेच ग्रामपंचायतीच्या थकबाकी ची दाखल पुर्व प्रकरणे सामोपचाराने आपसात तडजोडीने निकाली निघाले . या राष्ट्रीय लोकअदालती मध्ये कोरोना बाबतच्या सर्व नियमावलीचे पालन करण्यात आले होते . ही लोक अदालत यशस्वी होण्यासाठी न्यायाधीश , वकील संघाचे पदाधिकारी व सदस्य आणि गट विकास अधिकारी पंचायत समिती आष्टी , ग्रामसेवक आणि बँक अधिकारी , महसुल प्रशासन , पोलीस प्रशासन आणि न्यायालयातील सर्व कर्मचारी यांनी अथक परिश्रम घेतले

जाहिरात 👇👇👇 .