कर्जबाजारीपणाला कंटाळुन तरूणाची आत्महत्या

केज : तालुक्यातील सातेफळ येथील शेतकरी कुटुंबातील ३३ वर्षीय विवाहित तरुणाने कर्जबाजारीपणाला कंटाळून आत्महत्या केली.सातेफळ येथील दत्तात्रय बालासाहेब बोबडे वय वर्ष ३३ या शेतकरी कुटुंबातील तरुणाने कर्जबाजारीपणाला कंटाळून दि.४ सप्टेंबर रविवार रोजी रात्री १०:०० वाजण्याच्या दरम्यान घरातील पत्र्याच्या लाकडी आडूला गळफास घेऊन आत्महत्या केली.दि.५ सप्टेंबर सोमवार रोजी उपजिल्हा रुग्णालय केज येथे शवविच्छेदन करून सातेफळ येथे शोकाकूल वातावरणात अंत्यसंस्कार करण्यात आले त्याच्या पश्चात आई,वडील,भाऊ, पत्नी,एक मुलगा व मुलगी असा परिवार आहे.या प्रकरणी युसुफवडगांव पोलीस ठाण्यात आकस्मित मृत्यूची नोंद करण्यात आली असून पुढील तपास सहाय्यक पोलीस निरीक्षक डॉ. संदीप दहिफळे यांच्या मार्गदर्शनाखाली करण्यात येत आहे.