गुंगीचे औषध देऊन पळविलेल्या अंगठ्या ; केज पोलिसांनी दिल्या फिर्यादीच्या ताब्यात

केज : शहरातून एका ६६ वर्ष वयाच्या वृद्धाला थंड पेय आणी केळीतून गुंगे येणारे औषध खायला व प्यायला घेऊन त्यांच्या हाताच्या बोटातील ६० हजार रुपये किंमतीच्या दोन सोन्याच्या अंगठ्या अज्ञात इसमाने लांबवील्या होत्या.त्या प्रकरणी केज पोलिसांनी तपास करून मा. न्यायालयाच्या आदेशाने फिर्यादीला सोन्याच्या अंगठ्या परत देण्यात आल्या.या घटनेची अधिक माहिती अशी की, दि.५ एप्रिल रोजी केज तालुक्यातील बनकरंजा येथील धर्मराज थोरात हे कानडी रोड लगतच्या विजय भन्साळी यांच्या विजय कृषी सेवा केंद्राच्या समोर थांबले असता. सकाळी ११:०० ते दुपारी १२:३० च्या दरम्यान एका अज्ञात व्यक्तीने धर्मराज थोरात यांना त्या अनोळखी व्यक्तीच्या मुलाची सोयरीक जुळवायची आहे अशी बतावणी केली. पाहुणे येईपर्यंत चहापाणी पिण्याचा बहाणा केला होता.थोरात यांना तो अनोळखी व्यक्तीने स्प्राईट या थंड पेयाच्या बाटलीत गुंगी येणारे औषध मिसळून ते प्यायला दिले. तसेच त्यांनी केळीमध्ये पण गुंगी येणारे औषध खायला दिले. नंतर ते दोघे कानडी रोड वरून क्रांतीनगर जवळच्या केजडी नदी मधून पाटलाचे शेतात गेले. तेथे गेल्यानंतर धर्मराज थोरात यांना गुंगी येतात त्यांचा गैरफायदा घेऊन त्या अनोळखी ठकाने धर्मराज थोरात यांच्या उजव्या हाताच्या बोटातील प्रत्येकी दहा ग्रॅम वजनाच्या जुन्या दोन अंगठ्या काढून घेऊन पोबारा केला होता.दि.१ मे रोजी एका गुप्त खबर्याने नेकनूर पोलीस ठाण्याचे पोलीस निरीक्षक विलास जाधव यांना एका संशयित इसमाची माहिती दिली. त्यानंतर पोलीस उपनिरीक्षक विलास जाधव आणी तपासी अधिकारी राम यादव यांनी राजेंद्र बिरू लांडगे व त्याचा भाचा अमोल गोविंद सोनटक्के या दोघांना ताब्यात घेतले होते.दि.७ मे रोजी पोलीस उपनिरीक्षक राजेश पाटील, पोलीस अंमलदार राम यादव आणी पोलीस नाईक अमोल गायकवाड व रामदास तांदळे यांनी अटकेतील आरोपींनी दिलेल्या माहिती आधारे अधिक तपास करून अऔसा येथील रोहिणी अलंकार मध्ये त्यांनी अंगठ्या विकल्या असल्याची माहिती मिळताच सहाय्यक पोलीस निरीक्षक शंकर वाघमोडे यांच्या मार्गदर्शनाखाली पोलीस उपनिरीक्षक राजेश पाटील,पोलीस अंमलदार राम यादव आणी पोलीस नाईक अमोल गायकवाड, रामदास तांदळे यांनी औसा पोलीस ठाण्याचे सहाय्यक पोलीस निरीक्षक ज्ञानदेव सानप यांच्या मदतीने सर्व मुद्देमाल हस्तगत केला.दरम्यान मा.न्यायालयाच्या आदेशाने १६ जुलै रोजी सहाय्यक पोलीस निरीक्षक शंकर वाघमोडे यांनी फिर्यादी धर्मराज थोरात यांना केज पोलीस ठाण्यात बोलावून वरीष्ठ अधिकारी यांच्या आदेशावरुन पंचा समक्ष दोन्ही सोन्याच्या अंगठ्या यांना परत दिल्या. यावेळी सहाय्यक पोलीस निरीक्षक शंकर वाघमोडे, तपासी अंमलदार रामदास यादव, रामदास तांदळे, मतीन शेख आणी पत्रकार गौतम बचुटे हे उपस्थित होते. धर्मराज थोरात यांनी पोलिस कर्मचाऱ्यांचे आभार मानले आहेत .