मोटरसायकल व रिक्षाचा अपघात ; दोघेजण गंभीर जखमी

केज : बीड रोडवर दिनांक ९ रोजी सायंकाळी ०६-३० वाजता केज-बीड रोडवर केज पासून जवळच असलेल्या टाकळी फाट्यावर मोटरसायकल व रिक्षाचा अपघात झाला असून दोघे जण जखमी झाले आहेत.सदरील घटना ९ जुलै रोजी सायंकाळी ६:३० सुमारास घडली.केज तालुक्यातील उमरी येथील रोहिदास वसंत मोरे वय २६ वर्षे,गजेंद्र मोरे यांच्या मोटरसायकलची व रिक्षाचे धडक झाली. यामध्ये मोटरसायकल वरील दोघेजण गंभीर जखमी झाले आहेत. सदरील अपघात झाल्यानंतर जखमींना तात्काळ एका खाजगी वाहनांनी केजच्या उपजिल्हा रुग्णालयात उपचारासाठी दाखल केले आहे.या अपघातात अशोक रगडे रा.केज हे पण जखमी झाले असल्याची माहिती आहे. गजेंद्र मोरे व रोहिदास मोरे यांना गंभीर इजा झाल्याने त्यांना अंबाजोगाई येथील सरकारी दवाखान्यात हलवण्यात आले असून एकावर उपजिल्हा रुग्णालय केज येथे उपचार चालू आहेत. सदरील अपघात नेमका कसा झाला हे अद्याप स्पष्ट झालेले नाही.